प्रमोद कांबळे

प्रमोद कांबळे यांचा जन्म ११ ऑगस्ट १९६४ साली झाला. प्रमोद कांबळे यांचे वडिल आणि परिवारातील इतर लोक हे कला क्षेत्रातील असल्यामुळे त्यांना हे कलागुण लहानपणापासुनच मिळाले. त्यांचे वडील हे कला महाविद्यालयात मुख्याध्यापक म्हणुन कार्यारत होते त्यामुळे लहानपणापासुनच त्यांचे कला शिक्षणास सुरुवात झाली. त्यांना ७वी इयत्तेत असताना मुर्तीकले साठी राष्ट्रीय शिशुवृत्ती मिळाली. त्यांनी फाऊंडेशन कोर्स आणि कला शिक्षक डिप्लोमा प्रगत कला महाविद्यालय, अहमदनगर येथुन पुर्ण केला.
प्रमोद कांबळे यांची मुर्तीकार बनण्याची प्रबळ इच्छा त्यांना जे जे स्कुल ऑफ आर्टला घेऊन गेली. जेथे त्यांनी मुर्तीकला आणि मॉडेलिंग डिप्लोमा पुर्ण केला. शैक्षणीक काळात त्यांना अनेक पुरस्कार मिळाले तसेच या काळात त्यांनी विविध कला दिगर्द्शका सोबत कामही केले. नंतर त्यांनी अहमदनगर मध्ये येऊन त्यांचा स्टुडिओ सुरु केला.
प्रमोद कांबळे यांनी भारताच्या सुवर्ण महोत्सवी वर्षामध्ये भारतातील नामवंत ५०० महान व्यक्तींची चित्रे ६५ फुट X १७ फुट अशा एका अहमदनगर महानगरपालिकेच्या महावीर कलादालनातील मोठ्या भिंतीवर काढली आहेत. केवळ पेन्सिलीच्या साहाय्याने १९९७ साली काही महिन्यामध्ये त्यांनी हे जगातील सर्वात मोठे पेन्सिल चित्र पूर्ण केले. भारतीय स्वातंत्र्याच्या सुवर्ण महोत्सवाच्या दिवशी हे चित्र त्यांनी राष्ट्राला अर्पण केले.